పల్లవి:
పాటల పల్లకివై ఊరేగే చిరుగాలి .. కంటికి కనబడవే నిన్నెక్కడ వెతకాలి
నీ తోడు లేనిదే శ్వాసకు శ్వాస ఆడదే
నువ్వే చేరుకోనిదే గుండెకు సందడుండదే
నీకోసమే అన్వేషణ నీ రూపురేఖలేవో ఎవరినడగాలి.. "పాటల"
చరణం:
నీలాల కనుపాప లోకాన్ని చూస్తుంది
తన రూపు తానెపుడు చూపించలేనంది
అద్దంలా మెరిసే ఒక హృదయం కావాలి
ఆ మదిలో వెలుగే తన రూపం చూపాలి
రెప్పల వెనుక ప్రతి స్వప్నం కళలొలికిస్తుంది
రెప్పలు తెరిచే మెలకువలో కల నిదురిస్తుంది
ఆ కలల జాడ కళ్ళు ఎవరినడగాలి.. "పాటల"
చరణం:
పాదాల్ని నడిపించే ప్రణాల రూపేది
ఊహల్ని కదిలించే భావాల ఉనికేది
వెన్నెల దారమా జాబిల్లిని చూపుమా
కోయిల గానమా నీ గూటిని చూపుమా
ఏ నిమిషంలో నీ రాగం నా మది తాకింది
తనలో నన్నే కరిగించి పయనిస్తూ ఉంది
ఆ రాగమెపుడు నాకు ఎదురు పదుతున్ది.. "పాటల"
0 comments:
Post a Comment